O le aso muamua o lenei masina fou o Tesema ua fa’amamalu ai pea i tausaga uma le fa’atāua ai o le feau tau molimoli mo puipuiga o le soifua o tagata uma o le lalolagi e aofia ai Samoa mai le gasegase faigata o le HIV/AIDS.
O se gasegase e lei maua lava se vailaau faafoma’i e titina ai ia mate le vairasi e mafua ai.
O Samoa lava ia e tusa o faamaumauga i le lima lenei o tausaga talu mai le tausaga e 2020, e toasefulu ma le lua tagata i le atunuu o loo soifua ma le vairasi o lea faamai ma o loo feagai i latou ma togafitiga faafoma’i i vai ma fualaau o loo inu.
O faamaumauga i lona aoao tetele talu mai le tausaga e 1990 na muai maua ai se tagata o le tatou atunuu i auga o le HIV/AIDS e toa 24 i latou na maua ai.
Ua faailoa i faamaumauga a le soifua mālōlōina e ui ina ia maualalo le numela oo tatou tagata ua aafia i lea gasegase e mafua i feusua’iga, o nisi o faama’i e mafua mai lava i feusua’iga o loo maualuga le numera o tatou alii ma tama’ita’i talavou o loo maua ai, o faama’i ua ta’ua o le Chlamydia ma le Syphilis.
