E le o suia faamatalaga a le vaega a le soifua maloloina, e tusa ma tuuaiga e le I sa’o ona faaliliu tala a le tamaitai lea na faamaonia I le Koviti I le Aso Tofi o le vaiaso talu ai
O le Aso Tofi na sau ai I tua ripoti a le soifua maloloina e tusa ma le faafaigaluega pea e le pulega a le faleofu, A-Z Collections o le ua aafia, ae oo ane I le afiafi o le Aso Faraile ua tuuaia e lea tamaitai le na faaliliuina lana faamatalaga faapea e le I sa’o.
O le faamatalaga tusitusia a le pulega o le faleofu ua tauala mai lea I lana loia, Focus Law, o loo faailoa ai e le I iai se fesootaiga a le pulega ma lea tamaitai faigaluega, ma e le I vili ane foi e faanoi o loo gasegase
O faamatalaga lava foi nei mai le loia o loo taua e le I iai se taimi na faailoa ai e lea tamaitai I lona pule a mea o tiga lona faai, e oo a lava foi I le faatonuga ua aumai e nofo I le fale
O se suiga ua faailoa mai ai e le soifua maloloina o le tamaitai tausi mai Saina, o ia lea sa gafa ma le fesiligiaina o lea tamaitai atoa ai ma le fesoasoani e faaliliu, peitai o le tamaitai lava na filifili e talanoa I le gagana faaperetania
O le fesili ua tulai ua tulai, na sa’o ona ripotia e le soifua maloloina faamatalaga a lea tamaitai? I le isi itu, Afai o lea ua toe sui lana faamatalaga mo le puipuia o lana galuega, o lona uiga e na te le I usitaia faatonuga mai le fomai e nofo ai I le fale sei maua le iuga o le siaki.
