O loo mataitu lava e le toatele le afā o Jasper lea o loo ua aga mai i Kuiniselani ma ua iai lipoti e ono faaopoopo lona malosi e faatulaga ai i le vaega lima poo le Category 5 i le po ananei.
Fai mai o loo iai nei Jasper i le tusa ma le silia ma le 1000 kilomita mai gataifale o Kuiniselani i le itu i Saute o le Atu Solomona.
O loo ta’ua o le Category 5 e matuai matautia lona malosi ma e ono oo atu le malolosi o matagi i le 280 kilomita i le itula.
O le itu i Matu o Mackay lea fai mai le vaaitau e ono aafia muamua ma ua mae’a logoina foi i latou i faaitu ia ina ia nofosauni ma mataala i tulaga uma tau le puipuiga.
Fai mai le vaaitau ua fai si vave oo mai foi o lenei afā pe a faatusa i taimi faapenei i tausaga ua tea ma ua moni ai ma nisi o finau a le au tetee pea i suiga o le tau, o ata lava ia ma faamaoniga o suiga i le tau e pei ona o latou alagaina i aso taitasi.
