E lē o fiafia le to’atele o tagatānuu o Tonga i se faiga faavae a le malo o Amerika ua faia nei i tulaga tau femalagaa’iga.
Na amata i le aso 1 o le masina lenei o Ianuari ona faamamalu le taofia lē tumau e Amerika o le tuuina o visa i tagata Tonga e malaga atu ai mo sina taimi puupuu i matāupu tau tulisi poo pisinisi foi.
Ua ta’ua i lipoti a le RNZ i le vaiaso nei e le’i leva ona faamamalu lea faiga ae toe faailoa ane foi nisi tulafono fou ua faamuta ai e Amerika ma le faagaioia o talosaga mo ni visa mai atunuu e 75 e aofia ai ma Fiti.
O nisi sa faatalanoa e le RNZ mai Tonga ua faaleo lo latou lē fiafia ona o lona uiga o le a ma’umau ai foi ma avanoa tau a’oa’oga aemaise i Hawaii faapea foi Utah o loo to’atele ai nisi.
O le faamatalaga mai le Fale Pa’epa’e e faapea ua aofia Tonga i le lisi e pei ona faamatuu ane, ona o le maualuga o le aofa’i o ona tagata ua ova visa i Amerika ma o nisi e lē o iai ni pepa faamaonia o loo mana’omia ane.
Puna o Faamatalaga: https://www.rnz.co.nz/international/pacific-new s/585305/tongans-frustrated-with-trump-s-collective-punishment-of-foreign-nationals
