O le Palemia o Ausetalia, Anthony Albanese faatasi ai ma ta’ita’i o Peretania ma Amerika ua tuuina faatasi mai sa latou pepa o faamatalaga i le asō e faamanatu ai le tolu ai lenei o tausaga o le maliega a le AUKUS ma folafola ai e ono faaopoopo isi atunuu i lenei maliega.
O lalo o se tasi o vaega o lenei maliega e faaaogā ai e Ausetalia le oo atu i le $368 piliona a o lei oo i le 2055 e fausia faatasi ai ma Amerika ma Peretania ni vaamaulu faaniukilia i Adelaide.
Fai mai le pepa o faamatalaga o loo fesoota’i pea nei le AUKUS ma atunuu e pei o Kanata, Niu Sila ma le Republic of Korea, o loo silasila i auala e mafai ona galulue faatasi ai.
O le AUKUS Agreement na muai faalauiloa i le 2021 ma le faamoemoe ina faatumauina se sootaga sa’oloto ma tatala mo le Indo Pacific.
Puna o Faamatalaga: https://www.9news.com.au/world/aukus-defence-pact-cooperation-with-new-zealand-canada-and-south-korea/374f9ec6-ba27-4f7f-b060-35357558f56b
