I le silia i le 40,000 o tagata ua latou saini i le talosaga e lagolago ai le mau poo le petition mo se visa sa’oloto mo tagata Samoa ma isi atunuu o le Pasefika e fia malaga asiasi atu i Aotearoa, o loo tumau pea le lagolagoina o lea talosaga e le Palemia o Samoa ma le atunuu o Fiti.
Ua faailoa i se pepa o faamatalaga faalauaitele o le tāpunia o le avanoa e saini ai tagata e lagolago e faaaoga ai fesoota’iga initaneti le online ua toe tolo atu il e faaiuga o le masina o Ianuari o le tausaga fou 2026.
Ua faia lea faaiuga e le komiti o loo faamaopoopoina le mau ona o se finagalo o le komiti faapalemene a le malo o Niusila ina ua faatoa iloa e le komiti mafuaaga o le tuai sainia e nisi o le au lagolago o le mau.
O le aso 7 o le masina na te’a nei o Novema na tāpunia ai le tuuina atu o saini a tagata e lagolago i le mau peitai o le aso 30 o Ianuari o le tausaga fou o le a faatoa tāpunia ai.
