O uiga loulouā o le tau ua toe tolopō ai faigāpalota a Toelau ina ua faatuai ai foi ma le taunuu atu o le vaa o loo ave atu ai pusa palota.
Fai mai le RNZ o le palota sa fuafua mo le Aso Tofi o le vaiaso nei pe a kiliva ane pusa palota ma pepa mai Samoa peita’i ua iai lapata’iga o savili malolosi ua fautuaina ai le atunuu aemaise o le maualuluga o galu.
Ua faailoa ai e le faigāmalo o loo iai lamatiaga pe afai e faimalaga tagata i tulaga o le tau o loo iai aemaise foi i tagata o loo fia aga’i ane e palota.
O le vaa o le MV Mataliki e umia e le malo ma e faatasi ona malaga ane i le va o Toelau ma Apia i totonu o le lua vaiaso ae o lea la ua faalēaogā atu ma lana faigāmalaga i le Aso Faraile ma ua talitali nei la le atunuu poo le ā le isi aso fou lea o le a taatia iai le faigāpalota a le atunuu.
Puna o Faamatalaga: https://www.rnz.co.nz/international/pacific-news/585173/severe-weather-delays-2026-tokelau-general-election
