O faiga taufaavalea i le kilivaina ma le lafoina atu o meli o se tasi lea tulaga ua aafia ai le tele o tagata Ausetalia atoa ma isi ua silia ma le $20,000 a latou tupe ua ma’umau ai.
O se suesuega na faia e le Australia Post ua iloa ai toeitiiti 75 pasene o tagata na tali ane i le suesuega na aafia i ni kiliva taufaasese poo ni feau taufaavalea e uiga i kiliva ma le isi 27 pasene ua o latou ta’utino na aafia i faiga taufaavalea ia.
O tulaga faapea ua maitauina le taatele e aofia ai le lafoina atu o ni imeli e ta’ua ai le iai o ni tolls ua overdue pe ua leva e lei totogiina, o nisi o ni meli e ta’ua ai le malo i se faailoga, o tupe ma se faigamalologa, se mataupu tau faletupe aemaise o fesootaiga.
O le mae’a la o suesuega ia na faatautaia e le Australia Post ua o latou toe fautuaina ai tagata ia puipui e latou i latou lava ma aua ne’i faaseseina gofie i faiga a le au taufaavalea.
Ua o latou faailoa foi i tagata uma e lē taitai ona telefoni atu le Australia Post i se tasi, pe text foi pe imeli ma talosagaina ni faamaumauga faalilolilo o se tagata poo ni ana tulaga tau tupe aemaise passwords ma faamaumauga o credit cards.
Puna o Faamatalaga: https://www.9news.com.au/national/delivery-scams-in-australia-the-most-popular-swindle/480235f1-8ddc-42c3-8dc3-a09100412aa8
