O lea ua toe tatala mai faitotoa o Ausetalia I tagata Kiwi e faimalaga atu ai e aunoa ma le tau faanofoesea
O le aoauli ananafi na sau ai lea faasilasilaga, I le maea ai ona taofia le tumau o lea saolotoga mo le 6 aso
E tusa ma saunoaga a le minisita o le soifua maloloina a Ausetalia, Greg Hunt, o se faaiuga a Ausetalia ua faia faavae I luga o fautuaga a le Chief Medical Officer, Michael Kidd, e le tatau ona faaauau le taofia le tumau o le saolotoga mo pasese taunuu atu mai Niu Sila, ma o loo faavae lea I le oo mai ai ananafi e le I toe maua nisi cases I le komiuniti I totonu o Niu Sila, e pei ona iai le toatolu lea na faamaonia I le vaiaso talu ai I le maea tuua ai o le faletalimalo sa faanofoesea uma ai
Ao sau ai ma lea tala fiafia mo tagata Kiwi, o loo faapipii mai le faia o screening ae e le I tuua Niu Sila faapea ai ma le toai taunuu I Ausetalia mo le isi 10 aso
E tatau foi I pasese uma faimalaga mai Niu Sila I Ausetalia ona I totonu o Niu Sila mo le 14 aso talu ona maea faanofoesea faatoa mafai ona faimalaga I Ausetalia
