Ua toe filifilia e le Lakapi liki a Niu Sila alii faiaoga o Michael Maguire ma Ricky Henry e avea ma faiaogaulu o ‘au a le Kiwis ma le Kiwi Ferns seia oo i le faaiuga o le 2025.
O le asō ua faalauiloa ai e le NZRL le faaiuga lea o le a tumau ai pea faiaoga ia i o la tofiga seia oo i le faaiuga o le isi Ipu o le lalolagi i le Liki.
O Maguire sa faiaoga i le Kiwis talu mai lava le 2018 ma taitaia le Kiwis i le semi-finals o le Ipu o le lalolagi i le tausaga talu ai na faia’ina ai ia Ausetalia.
O Henry sa faiaoga i le Kiwi Ferns talu mai le 2020 ma sa taitaia le Ferns i le sailiga siamupini o le Ipu o le lalolagi i le tausaga talu ai na faia’ina ai foi ia Ausetalia.
Faailoa le faafetai a alii faiaoga i le toe tofiaina o i laua ma o le a galulue foi i le mafai e gata ai mo le faaleleia o ‘au liki a le atunuu.
