E oo atu i le $30 miliona e toe faafoi ai e le National le saoasaoa faatapulaa i luga o highways faapea auala tua.
O lea na suia e le Labour le saoasaoa faatapulaa o le o o taavale pei ona iai le tele o state highways o lea ua tuu mai i lalo i le 80km i le itula, ao nisi o auala i tua o lea ua suia mai le 50km i le na ole 30km, fua i le nofoaga o loo iai faapea ai ma faaiuga a councils.
O ni suiga ua fai mai ai le National ua aafia ai ma taimi o femalagaiga a tagata aemaise o atinae mo le tamaoaiga.
Afai ae tulai mai le National e na te toe faafoi i le 100km highways ae o auala i tua i le 50km, seia vagana ai e lē saogalemu.
Ua faalēaogā ai foi e le National e lē o iai lava se uiga o le Road to Zero a le Labour, lea sa 350 tagata maliliu i le 2019 poo le tausaga na amata aloaia mai ai, ae oo mai i le tausaga faatoa uma atu ua 374.
O ni toe fetuunaiga e faaalu ai le $30 miliona i totonu o le tolu tausaga, ma o loo faalagolago uma foi pe a faamanuiaina le National i le palota.
O le palota a Niu Sila ua toe tolu vaiaso taunuu i totonu lava ia o le atunuu, ae mo tagata o loo aumau i atunuu mamao e amata tatala le avanoa mo palota i le Aso Lulu o le vaiaso nei.
