Mai le 6,400 o talagatupe mai le KiwiSaver i le masina o Tesema i le tausaga na tea nei, o le silia o le ‘afa o ia talagatupe e mafua mai ona o le feagai o tagata ma faigata o le soifuaga, hardships.
Na pau le isi mafuaaga o le talaina i tua o tupe mai le KiwiSaver pe afai ua litaea le tagata poo le fia faatau foi o se uluai fale poo se tulaga tau le soifua maloloina e manaomia vave ai le fesosoasoani.
Fai mai le lipoti a le One News ua siitia maualuga le aofai o talagatupe mai le KiwiSaver i le tausaga na tea nei pe a faatusa i le 2022.
Fai mai le faauluuluga o le Kiwibank e atagia ai ii mea o loo latou faalogo ai i paaga a le faletupe, i le telē o le aafiaga o le tau o le soifuaga ma ua faamalosia ai le silasila o tagata ia latou teugatupe.
Saunoa ai foi ma le Retirement Commissioner o Jane Wrightson e lelei le tala o le KiwiSaver e faatau ai le uluai fale peitai o le tala o le tupe ona o le hardship e lē lelei.
