E toatele tagata Maori ma Pasefika na ui mai i faiga faailogalanu i totonu o galuega.

I suesuega fou a le iunivesite o Massey ma faaiuga na faailoa mai ananafi e na o le 6.4% Maori ma le 4.1% tagata Pasefika e lei iai ni lipoti o faiga faailogalanu nei i fale faigaluega.

I totonu o Niu Sila e solitulafono faiga faailogalanu i lalo o le Human Rights Act ona o talitonuga faaleekalesia, o le lanu, o le atunuu, o le matua, le atoatoa le malosi ma isi lava mafuaaga e ala ai ona tusitusi lima i isi tagata.

Peitai a o fai mai ai lea tulafono, mai lenei suesuega e le o mafai ona faamamalu pe a faatusa lea i molimau a tagata Maori ma Pasefika ma ua aafia ai ma le mafaufau.

I molimau a nisi na fesiligia, o le fai ese o tagata Maori ma Pasefika ua avea ma pa pupuni o lo latou ola taumafai.

O le fofo o loo sau ma le suesuega a le iunivesite, o le iai o le lagona e fai tutusa uma ai tagata aemaise o le iai o taiala e lima taitaiina ai.