E lagolago e le toatele o tagata Kiwi le na o le 4 aso faigaluega i le vaiaso.
E 63% o i latou na auai i le palota a le 1News e auai i le suiga ua amata e se vaega itiiti o pisinisi e suia agai i le na o le 4 aso faigaluega i totonu o le vaiaso.
E oo mai i le taimi nei e tusa ma le 50 kamupani Niu Sila ua faia le suiga lenei.
O le toatele o tagata o loo mananao e lagolagoina lenei suiga o i latou e 18 agai i le 49 tausaga le matutua.
Mai le BusinessNZ o se faaiuga e fua lava i le ituaiga pisinisi ma le natura o ana galuega.
Ae saunoa le Palemia o Chris Hipkins, afai o se suiga e malilie iai le pulega ma le aufaigaluega, ailoga e iai se afaina.
Ae i tagata e le o lagolagoina, o i latou e aofia ai tamā e i luga o le 55 tausaga le matutua.
