E to’atasi lava se tamaitai mai le itu i Sisifo o Sini ua faamaonia le manumālō i le $100 miliona o le Oz Lotto i le po anapo.
Fai mai le ofisa o le taaloga na faatau le pepa a lea tamaitai i luga o le upega tafailagi ma e na o ia lava ua manumālōina lea faailoga tele.
O le faailoga muamua aupito i telē foi lea ua manumālōina e se tagata se to’atasi talu mai le 1994 na amata ai lea taaloga.
Ua ta’ua e le tamaitai ua faamanuiaina o le a faaaogā le tupe e faatau ai sona fale ma e ui e fiafia i lana galuega o le a lē toe faigaluega mo le 7 aso o le vaiaso.
Puna o Faamatalaga: https://7news.com.au/news/oz-lotto-draw-1616-western-sydney-woman-claims-100-million-jackpot-c-17615313
