O le afio’aga o Falealupo i Savai’i ua amata ai ona fa’aaoga le fata feavea’i ua fa’atotoga i meafaigaluega e fa’aaoga i auaunaga fesoasoani i taimi e tutupu ai ni mala fa’alenatura. O le fata feavea’i e toso e le taavale ma e mafai ona ave i nofoaga ‘ese’ese o le atunu’u e manaomia ai galuega fesoasoani pe a tutupu ni fa’alavelave tau mala fa’alenatura e pei o afā.

O le Matagaluega o Punaoa Faalenatura ma le Siosiomaga ua taulimaina lea fata feavea’i sa aumai i se fesoasoani ma fausia e le auaunaga i le Pasefika e ta’ua o le Field Ready.

Ua faailoa e lea Matagaluega a le malo o se tasi lea o meafaigaluega e si’itia ai le galulue faatasi o tagata uma e aofia ai ali’i ma tama’ita’i ma e e iai aafiaga tumau i le ofoina o galuega fesoasoani pe a tutupu ni mala fa’alenatura.

O le nofoaga tutotonu o tapenaga moni faalavelave fa’afuasei fa’alenatura le NEOC i Tuanaimato na fa’alauiloa ai lea fesoasoani e le minisita o le Matagaluega o Punaoa Faalenatura ma Siosiomaga le tōfā Ale Vena Ale.

O le mae’a o lea fa’alauiloa i le Aso Lua a malaga ai i Savai’i le fata feavea’i i Falealupo mo a’oa’oga i le fa’aaogaina.