Ua tafana e vaega’au a Cuba ni tagata se to’afā ma maliliu ai i luga o se vaa e lesitala i Florida ma sa uia e le vaa ogasami o Cuba i le vaiaso nei.
Fai mai le CNN e lē o iloa poo fea atunuu e omai ai i latou ua maliliu ona o loo faatali su’esu’ega ae ua faailoa e le failautusi o Amerika o Marco Rubio o loo galulue nei le latou ofisa i Havana Cuba ina ia maua se sootaga ma isi tagata sa i luga o le vaa lea e faamaonia pe o ni sitiseni Amerika.
Fai mai Rubio a o aoao mai faamaumauga nei, ua nofo sauni Amerika e tali atu i le matāupu lenei pe a faamautū mai le i’uga o su’esu’ega i le mea moni na tupu.
Fai mai e to’aono isi sa i luga o le vaa o loo manunu’a foi ma o loo faia iai togafitiga.
O loo iai lipoti a le CNN ua ta’ua ai sa tafana ane muamua le vaega’au a Cuba e se tasi sa i luga o le vaa ina ua ulufale i ogasami o Cuba ma o i na toe tali ane ai vaega’au ma tafana ai loa le to’afā ua maliliu.
Puna o Faamatalaga: https://edition.cnn.com/2026/02/25/americas/cuba-florida-speedboat-intl-latam
