E to’afā alii ua molia e leoleo i Sini ina ua maua ma iloa le oo i le $2.1 miliona o le tau o le laau faasāina o le mariuana na maua i se fale i le itu i Saute o Sini.
Fai mai le 9News o le ausu’esu’e i le Strike Force Grassy operation na o latou su’esu’eina le sapalai o laau faasāina ia i le Sutherland Shire mai le amataga o le masina nei ma iloa ai ma le fale lea i Miranda.
Sa faia osofa’iga a leoleo i le nofoaga lea ma maua atu iai le tusa ma le 240 kilo o mariuana ma isi laau e fitu e oo lo latou tau tuufaatasi i le $2.1 miliona pe a faatauina.
O le to’afā o alii ua pu’eina e leoleo e 36, 41, 50 ma le 51 tausaga le matutua na maua uma atu iai i lea nofoaga.
Puna o Faamatalaga: https://www.9news.com.au/national/sydney-sutherland-shire-four-men-charged-after-21-million-of-cannabis-found-inside-miranda-home/cb436e8b-af5f-4041-964e-999abe31b796
