Ua faamauina le tele o fale ua motusia mai ai le eletise i le mae’a o se po na aafia ai vaega o le atunuu i matagi to faata’uta’u mo le North Island e ui ua vaaia se suiga laulelei i le asō.
O faititili na aafia ai Aukilani ma le Great Barrier Reef mai le aso ananafi ma matagi na oo i le 120km i le itula le malolosi i le tele o vaega o Aukilani.
Lipotia foi timu aisa ma le motusia o le eletise ma ta’ua ai foi le aafia o ni vaalele se tolu i uila.
O le lipoti mai le NZTA ua ta’ua ai sa feagai le aufaigaluega ma galuega fesoasoani mo lologa, laau toulu ma le otaota ae lipotia mai e le tineimu e silia ma le 200 valaau mo se fesoasoani na agai atu iai i totonu lava ia o Aukilani mai le aso ananafi e oo mai anapo.
O Hamilton lava ia ua lipotia e oo atu i le 15 afe fale o loo motusia mai ai le eletise i le taimi nei ae ua fautuaina foi e le Pulega a le malaevaalele i Aukilani, pasese ina ia faafesootai sa’o a latou kamupani vaalele e faamautu ai taimi o femalagaa’iga ona o fetuuna’iga ua faia ona o aafiaga o le aoaoa o le tau.
Puna o Faamatalaga: https://www.rnz.co.nz/news/national/518193/weather-wild-winds-ease-power-still-out-for-many
