O le Malumalu o le Ekalesia Katoliko i Lepea na faia ai le misasa paia e talosia ai le amatalia o le vaiaso o polokalame eseese o le faailogaina o le selau tausaga o le faalapotopotoga o tama ma teine tuai o le Malisi, sosoo ai ma le ‘ava o le feiloaiga i le hall a le kolisi o Sagato Iosefo i Alafua, ae o le Aso Lua o lenei vaiaso o le solo a tama ma teine tuai o le Malisi i le taulaga i Apia.

Sa molimauina le auai atu o nisi o tino i matutua o le malisi i le amatalia o polokalame o le selau tausaga, e pei o nisi o tamalii faapea ma Tupu ma E’e o le atunuu sa avea ma ta’ita’i o le Malo ae sa ‘oa’oina i aoga a le Malisi i Samoa i tausaga ua mavae i lo latou talavou.

Le Pelesetene o le faalapotopotoga a tama ma teine tuai o le Malisi, afioga Tuatagaloa Aumua Ming Leung Wai.