O le asō lea ua tatala aloaia ai se tasi o vaega suesue e patino i le Pasefika i le iunivesite o Aukilani mo le faamoemoe o le a fesoasoani tele i le soifua maloloina o le Pasefika i Aotearoa.
O le Te Poutoko Ora a Kiwa o se tasi lea o nofoaga e atoa iai le fitu o nofoaga fou faapea mo suesuega ma na saunoa ai le faatonu o le nofoaga Sir Colin Tukuitonga i le Breakfast e faapea o suesuega ma le aoina o faamatalaga ua na o se amataga, o le lelei o le mauaina o faamatalaga, e fai ai faaiuga.
Fai mai le alii fomai, mo se faataitaiga o le gasegase o le suka pe faatolu ma sili atu taimi e maualuga ai i tagata Pasefika atoa ai ma le aofai o tagata laiti mai le Pasefika faapea ma tamaiti o loo maua i le rheumatic fever.
Na ta’ua e Tukuitonga o le itu tāua o le inivesi ua faia nei ia tosina mai ai tagata talavou mo galuega i le vaega lea o suesuega, research.
