Ua sauni faipule o le faafaletui o le vaega faaupufai e puipuia aiātatau a tagata, e feiloa’i i lo latou nofoaga tutotonu o Petesa i Sogi mo le latou fono ua faatulaga e faia i le Aso Lulu o le vaiaso asau.
O se fonotaga ua faamoemoe e toe filifili ai so latou ta’ita’i, ae o se mataupu ua teva ai le lagolago a le sui usufono o le Palemene mo le itumalo o Faleata Numera 4 sa tauva i le palota tele ua mae’a i le fu’a a lea pati faaupufai. Ua faailoa e le ta’ita’i le susuga Tuilaepa L Sailele Malielegaoi, i luga o upega tafailagi poo auala o fesoota’iga faaonaponei, o le a talanoaina ai foi i le fonotaga lea ma ni teuteuga i le faavae o le vaega faaupufai, ma filifilia ai foi sui o komiti mo i latou e lagolagoina le pati, e lē gata i Samoa a o atunuu i fafo.
Le ta’ita’i o le vaega e puipuia aiātatau a tagata susuga Tuilaepa L Sailele Malielegaoi.
