Ua talosaga Judith Collins agai le malo e tatala le feoai saoloto i le va o Niu Sila ma Ausetalia ae e le I ta le Kerisimasi
O le manatu o le taitai o le National, o loo ia finauina ai le toe faataga o lea saolotoga i tagata ua uma tui e lua ma e negative siaki o le Koviti
O lea na muai faailo mai e le malo e ono le tatala tuaoi o Niu Sila seia oo atu i le uluai kuata o le 2022, ma e pei ona saunoa le minisita o le Koviti Chris Hipkins e ese foi le ituaiga lamatia e omai ma pasese mai isi atunuu faatusa i cases faamaonia o loo maua lava i totonu o Niu Sila
O le le mautonu o feoaiga i le va o atunuu e lua, ua toe faaleaoga ai e le Ea Niu Sila le silia ma le 1000 o ana faigamalaga e oo atu i le uluai aso o Tesema lea na fuafua mo Ausetalia, ma e faapea o loo aafia ai le tusa ma le 20,000 pasese
Mai le sui o le kamupani vaalele i tala a le TV1, o se faaiuga ua faia ona o lea e le i maua lava se tala mautu mai le malo a mea e toe tatala le feoai saoloto i le va ma Ausetalia i se taimi o lenei tausaga
