Ua toe nei o se aga ona lauina loa lea o iuga o mataupu e lua o loo i luma o le faamasinoga maualuga e pei o le Nofoa faaopoopo o Tamaitai o le Palemene faatasi ai ma le Malelega a le Ao o le Malo ina ia toe faia se isi faiga palota a le atunuu.
Ao loma ai le tuuina mai o faaiuga i le asō o le po anapo na saunoa ai le taitai o le vaega faaupufai a le Faatuatua i le Atua Samoa ua Tasi, Fiame Naomi Mataafa e faafetaia le finagalo onosai ma le faapalepale o le atunuu i mea ua tutupu talu mai le faigapalota i le Aso 9 o Aperila 2021.
Na taua foi e Fiame poo le a lava le iuga o le a oo iai le faamasinoga maualuga e tatau ona usitaia.
Na faailoa foi e le Vaega faaupufia e Puipuia Aiā Tatau o tagata lautele le HRPP i lenei taeao ia maua pea e Samoa se filemu ae o tālia ai iuga o le faamasinoga i le asō.
Taua foi e le Sui taitai o le FAST Laaulialemalietoa Leauatea Polataivao Schmidt i le asō ” ia tatou su’e i lalo malo”
O le itula e 12 i le aoauli nei (taimi samoa) o le a lauina ai le iuga i le nofoa faaopopo o tamaitai o le Palemene ae o le itula e 3 i le afiafi (taimi samoa) o le a tuu mai ai le iuga o le Malelega a le Ao o le Malo.
