O le faaiuga a se tasi o fale’aiga lauiloa le Nandos i Ausetalia e lē toe faaaogāina ni tupe poo le cash ae totogi uma faatau e faaaogā ai cards poo peimeni e faia i luga o upega tafailagi, ua faailoa ai le lē fiafia o le toatele.
Fai mai le 7News ua na o cards e mafai ona taliaina i faleoloa o le Nandos.
O le tele o finagalo faaalia o le toatele ua tuu ai i luga a latou feedback o le a agai loa i nisi faleoloa e faatau ai pe afai e na o cards e taliaina.
O nisi finagalo faaalia ua matuai lagolagoina ai le faaiuga a le pulega ma o le a leai ai foi se vaegatupe i le fale’aiga ma e saogalemu atu foi lea mai ni tulaga e ono osofaia pe gaoia ai foi.
I luga o le latou upega tafailagi o loo faailoa ai e le Nandos o loo latou taliaina soo se ituaiga card e totogi ai faatau ae lē o ta’ua ai foi se tulaga i ni tupe poo se cash e totogi ai.
Puna o Faamatalaga: https://7news.com.au/lifestyle/major-fast-food-chain-nandos-goes-cashless-across-australia-sparking-outrage-c-14518160
