O le taunuu o le Peresetene o Taiwan i Hawaii mo sana malaga asiasi ua faailoa ai le lē fiafia ane o Saina.
O le faigamalaga lea o se vaega o le malaga taamilo a le alii peresetene, Lai Ching e fuafua mo le Pasefika.
Ua faaleo ai le lē fiafia o Saina i lea faigamalaga ma ua faailoa atu ia Amerika lo latou tetee iai.
E manatu Saina o Taiwan o se vaega o ona teritori ma e tetee ai i soo se sootaga a Taiwan ma se isi atunuu.
Peitai ua leva ona iai sootaga o loo faatumauina pea o Amerika ma Taiwan ma i sana faamatalaga na faia ina ua taunuu i Hawaii na faailoa ai e Lai, ua amata nei se isi talutalu fou i upufai o atunuu ma o le faatemokalasi, tulaga lelei i le tamaoaiga ma le filemu o vaega ia o loo manana’o iai tagata Taiwan.
Fai mai Lai Ching o le filemu e leai sona tau ma o taua e leai ni tagata e manumalo ae e tatau ona faaauau pea le finau faatasi ia taofia le tula’i mai o taua.
O isi nofoaga o le a asia e le alii peresetene e aofia ai Marshall Islands, Tuvalu, Palau ma le po e tasi i le teritori o Amerika o Guam.
Puna o Faamatalaga: https://www.bbc.com/news/articles/c0lpll7k8glo
