E telē le popolega o le malo i le lē lelei ona faasoa tupe a le Kainga Ora, poo le pulega o loo gafa ma fale o le malo ma o lea ua iai suiga ua faatalanoa nei.
Ua sau le lipoti o iloiloga na faia lea sa ta’ita’ia e lē sa avea ma Palemia o Niu Sila i tausaga ua mavae, Sir Bill English, o lea sa tafili saunoa le Kainga Ora i le saolotoga na faigofie ai ona ia agavaa i nonogatupe a le malo, ma o se faiga ua tele ai nei ana aitalafu lea e tusa ma le $700 miliona le gau i le tausaga.
Fai mai ai le minisita o fale, Chris Bishop e lē o iai se mafai e tutoatasi ai le pulega i itu tau tupe seia vaganā ua tele ni tupe teu ma faia suiga i auala o loo faatupe ai.
Ua faamautinoa mai ai foi e le minisita ua ioe le Kapeneta i suiga na aumai i luma e aofia ai le faia o suiga vave i le komiti faafoe, lea e faamoemoe e tatau ona aloaia ia Iulai.
O le KiwiBuild foi na faia e le faigamalo faato’ā uma atu lea e faafaigofie ai ona maua falemotu o aiga, o lea ua fai mai le malo o le a lē toe iai.
O aitalafu nei a le Kainga Ora ua fai mai le lipoti e ono faatupula’ia mai le $520 miliona na iai i le tausaga faaletupe 2022/2023 i le silia ma le $700 miliona i le tausaga i le tausaga e 2026 agai i le 2027.
Puna o Faamatalaga: PM Christopher Luxon announces Kāinga Ora changes, new board refresh, KiwiBuild to be scrapped – NZ Herald
