Ua faamautinoa o le a iai suiga i itula e tatala ai se tasi o faleoloa supamaketi tele i Ausetalia, le Woolworths atoa ai foi ma le faagaioiga o nisi o ana auaunaga.
Ua faamaonia e le supamaketi i le 7News ua toe fetuuna’i nei itula e tatala ma tapunia ai le auaunaga ina ia ogatasi ai ma vaega uma o Ausetalia o loo iai o latou lālā.
Amata i le vaiaso nei ona vave tapunia auaunaga i le vaega o le deli, aano o manufasi ma taumafa mai le sami, tapunia i le 7 poo le 8 i le po. Fai mai se sui o le kamupani ua fua lava i le tulaga o le au faatau e pei ona o latou mata’ituina. Ua ta’ua i le lipoti e tasi le itula ua tuu ai i tua le taimi tatala ma le itula e tasi ua tuu mai ai i luma le taimi e loka pe tapunia ai.
