Ua uma le palota a councillors Waikato ma o lea ua mafuli le lagolago ia faia suiga i tuaoi a Thames i Coromadel faapea Waihou mo le palota a puleganuu o le tausaga e 2026.
O se faai’uga ua faia i le mae’a o iloiloga i le tausaga nei e tusa ma tala mai le puleganuu a Waikato ma iloa ai e lē o fetaui le toatele o tagata ua nofoia Waihou ma faatusa i lona sui.
O se faiga na tatala ai ma faatalanoga i le masina o Me ae faatalanoa le faia o suiga i tuaoi o Waihou ina ia aofia ai ma nuu o Waihi ma Paeroa, poo nuu nei o loo i lalo o le itumalo o Thames i Coromadel.
Ua mae’a le palota, e 12 i le 2 ma ua ioeina ai le tatau ona suia tuaoi ma o lona uiga o le tusa ma le 2,400 tagata palota o Thames i Coromandel lea o le a faatasi atu ia Waihou.
O le Aso Faraile nei e faailoa faalauaitele ai le faai’uga ua iai, ma tatala ai le avanoa i tagata e mananao e apili, ma o ā foi apili o le a tauaao o le a faaoo atu lea i le komisi o puleganuu mo le faai’uga mulimuli.
O se faai’uga e toe iloilo i le 2027, e faaaogā ai faamaumauga o le tusigaigoa o le 2023.
Puna o Faamatalaga: Boundary changes for Thames-Coromandel voters – NZ Herald
