Ua faia e le faigamalo ua tulai nei e ala i le Matagaluega o le Soifua Maloloina ni suiga o le faigapaaga sa faia e le malo talu ai ma le falemai o Initia faapea ai Niu Sila. 

Ua faafou le faigapaaga ma le falemai o Initia ae ua faaopoopo foi iai ma le auaunaga i Niu Sila.

Na saunoa le alii Minisita, Afioga Valasi Luapitofanua Toogamaga Selesele ua faaopoopoina gasegase e manaomia lea fesoasoani ma o le faafouga la o le faigapaaga ma Initia ua sainia ai e lē gata o le toe faaauauina ae o le a mafai ai ona omai fomai mai Initia e faatino taotoga o gasegase i Samoa nei.

O se fuafuaga ua leva ona faataatia ma o le vaiaso ua mavae na faatinoina ai lea sainiga lima.

Sa faafetaia e le tamaitai Palemia le falemai o le Apolo ina ua malga faapitoa mai nisi o lea falemai e momoli mai gasegase sa auina atu mo togafitiga.

Ua faamaonia foi e le Ofisa Sili o Pulega o le Matagaluega o le Soifua Maloloina ia Aiono Alec Ekeroma e toafā gasegase ua mae’a sainia e le Minisita o latou togafitiga i Niu Sila ae toaono isi gasegase o loo faatino auala masani mo le auina i fafo.

Ua faailoa e le alii Minisita o lea faiga o se fuafuaga ua leva ona faataatia.