Ua fa’ailoa e le ta’ita’i o le malo i le palemia i lana saunoaga faaminisita i le palemene i lenei vaiaso le a’e manuia o taumafaiga a nisi o ‘au ta’aalo a le atunu’u i tausinioga fa’avaomalo ma ia fa’ailoa ai ma le malaga mai i Samoa o le fa’auluuluga o le pulega o le Iuni Lakapi i le Lalolagi e late feiloa’i.

O le mafua’aga o le talanoaina o nisi o mataupu o loo ōia ai le lotoifale o lea ta’aloga i Samoa. O loo iai le talitonuga e oo mai i le taimi nei e le’i tali le malo i le ta’otoga o feiloaiga a sui o le pulega o le Lakapi i le Lalolagi ma sui o le pulega o le Lakapi i le atunu’u, i le fautuaga e faia se iloiloga poo se review i le tulaga o loo ta’oto ai le ta’aloga ma lona puleaina e le Lakapi Samoa.

Le afioga i le palemia susuga, Laaulialemalietoa Leuatea Polataivao Fosi Schmidt i se vaega o lana saunoaga faaminisita i le palemene.