Ua lipotia mai o loo tigaina se tamaitai ma se alii o loo faamanualia foi faatasi ai ma se tasi alii ua pueina ona o se faalavelave ua lipotia mai i le itu i Matu i Sisifo o Melepone.
E taunuu atu leoleo i le faaitu e igoa o Attwood poo le tea laitiiti o le ‘afa o le 4 i le vaveao ma maua atu iai le tina e 62 tausaga o loo tigaina manuaga.
O se tamā e 67 tausaga e feololo manuaga. Na aveina uma atu i laua i le falemai ae o le isi alii 29 tausaga na pue e leoleo ma togafitia e paramedics.
E talitonu leoleo e masani uma i latou e toatolu o loo aofia i lenei mataupu ma o loo faagasolo nei iai suesuega a leoleo.
