O se afifi na aumai mai fafo mo Samoa i le meli masani o loo faamaopoopo e le auaunaga a le falemeli i Apia, na maua ai laau faasāina o le mariuana ua matuā oomi ma faamaopo lelei ma e ta’ua o le hash.
O lea faiga e le o mafai ona faatino i Samoa ma ua faavae ai se finagalo o le pulega o le matagaluega o tiute ma tupe maua, faapea le matagaluega o leoleo, o lea meli o laau faasāina sa auina mai se atunuu i fafo.
O le mamafa o ia laau faasāina e tusa ma le 489.8 kalama ma ua tuuina atu nei i leoleo mo le faia iai o suesuega, ma le faamoemoe o le a maua ai i latou o loo lotolotoi i le aumaia i Samoa o ia laau faasāina.
Na mafai ona maua le afifi i se galuega fai faatasi a le matagaluega o tiute ma tupe maua, o leoleo, ma se tagata o le faufautua i gaioiga e faaaogā ai taifau sosogi i le Pasefika mo le sailia o fualaau ma laau faasāina.
E le o faailoaina i le pepa o faamatalaga poo ai o faatuatusi iai le afifi, ae poo fea foi le atunuu na aumai ai lea meli.
