O loo tau sailia nei e leoleo ni alii se toaono mai Sini o loo fia talanoa iai o se vaega o le latou suesuega o loo faagasolo I le faalavelave natulai mai I se tasi o faleaiga I Darling Harbour ile vaveao ananafi.
Ua lipotia ile aso e le 9news e 21 tausaga o se alii talavou na tatui sei tulou ma auina atu ai I le falemai ina ua tupu se vevesi I totonu o le café lea I CockleBay. Na valaau ane leoleo ile faalavelave lea ma faaaoga ai pepper spray e faataape ai ona e fai si toatele o tagata na aofia I le vevesi.
Na pueina ai e leoleo se alii e 20 tausaga ma faia iai suesuega.O le aso la ua faamatuu mai ai e leoleo ata o le toaono lea mai meapueata a le CCTV mo nisi e ono silafia ma fesoasoani atu I le suesuega.
