E agai atu leoleo i Napier e faataunuu se poloaiga e pu’eina ai se tagata, arrest warrant, ae maua atu iai ma le 2.2 miliona o le tau o le aisa i lea fale.
Lipotia e le RNZ e toalua leoleo na agai atu i se fale i Onekawa poo le lata i le 7 i le afiafi o le Aso Lua e sailia se alii e 19 tausaga sa faia iai le poloaiga lea na oane ma laua, fai mai leoleo na vaaia e le toalua lea se fana o faalālā ane i fafo i se faamalama ma faia ai loa le suesuega i le fale.
Na maua iai se fana o le ituaiga AK47 atoa ai ma se tamai fana ma pulu fana faatasi ai ma le 5.5 kilo o le aisa.
Na pu’eina mai ai ni sui se toalua o se kegi ma ua feagai nei ma moliaga eseese ma sa tutulai i le faamasinoga i Hastings i le aso ananafi.
Puna o Faamatalaga: https://www.rnz.co.nz/news/national/518703/routine-police-call-leads-to-2-point-2m-meth-haul
