I lenei masina fou lona valu o le tausaga ua faailoa ai e le Minisita o Tupe le afioga Lautimuia Afoa Uelese Vaai le siitia o le tau o oloa tau suauu ma penisini, e faatusa i le pa’ū sa iai i le masina ua te’a atu nei o Aokuso.
O le penisini e 6 sene ua sii ai e pei ona sa faatau le penisini ia Aokuso i le 3 tala 11 sene, ae o le tau fou e 3 tala 16 sene i le lita.
O le suauu kiso sa 3 tala 25 sene, ua sii le 2 sene ma maua ai le tau fou e 3 tala 27 sene i le lita.
O le kalasini ua pa’ū lona tau mai le 2 tala 88 sene i le tau fou e 2 tala 86 sene i le lita.
Ua faailoa e le minisita o tupe i se pepa o faasalalauga o le a faaauau pea tau nei ona ua toe foi le maketi o oloa suauu i se tulaga mautu, ma ua soloia foi nisi o eseesega o manatu o faiga faaupufai o malo ma le tamaoaiga.
