Ua savali ese le puleganuu a Ueligitone mai talanoaga na taumafai ai se maliega ia toe tatala ai faitotoa o le Reading Cinemas.
O le fale tifaga o lea na tapunia i le 2019, ma o lea na galulue malosi le aufaigaluega ia ausia se maliega e $32 miliona ma le puleganuu.
Peitai o le tala faanoanoa ae o le mea tonu e tatau ona faia e tusa ma saunoaga a le pulenuu o le aai, Tory Whanau lea ua oo iai, e ala lea i le faamuta e le puleganuu o faatalanoaga.
O le aso ananafi na fofogaina ai le pulenuu faapea councillors e tusa ma le faaiuga ua iai nei.
Ua toe laga ai e le Pule Sili o le puleganuu a Ueligitone, o lea lava na muai faailo mai e faamuta e le puleganuu le soalaupuleina o lenei mataupu pe a lē maua se maliega aloaia i se taimi vave, ma o lea ua oo i le laasaga lea.
O se faaiuga o loo lagona e le pulenuu e lē faigofie ona talia ona o lea ua umi tausaga o tu le fale e lē faaaogāina, ma o lana augani i le pulega o le fale tifaga o le toe silasila i nisi atinae.
Puna o Faamatalaga: Reading Cinema: Wellington council pulls plug on $32m deal (1news.co.nz)
