E eseese finagalo faaalia o tagata ina ua savali ese le tamaitai faipule o le ta’ita’i o le pati a le One Nation, Pauline Hanson mai le Palemene i le aso ananafi a o faia le vaega e faailo ai le faaaloalo poo le Acknowledgement of Country.
O se tasi lea o vaega o le sauniga e tatala aloaia ai le Senate lea e fai ai foi ma le tatalo a le Alii poo le Lord’s Prayer.
O le faiga lea e amanaia ai ma tagata Ngunnawai ma Ngambri o traditional custodians o le fanua aemaise i fonotaga e faia i Canberra, e faaaloalo ai foi i tuaa ua faiilagi ma i latou o loo soifua mai pea.
Faailoa e le lipoti a le 9News o le aso ananafi ua faatino ai e Hanson le gaioiga lea ae ua faafia ona saofai ai i sauniga faapea muamua. Fai mai a o agai ese mai sa ia faia ai se faamatalaga e na te lē faatinoina lea tulaga.
O le gaioiga lea a Hanson ua fai mai iai se faamatalaga a le pule o le Green, Lidia Thorpe e faapea o Hanson o se tagata faailogalanu.
