Ua saunoa le Palemia o Niu Sila, Christopher Luxon e sili a le faafaigofie o mea pe a fesoota’i ma Ausetalia.

Sa faia lana faamatalaga lea i le taimi o fesili ma tali i le Palemene i le vaiaso nei ina ua fesiligia e le ta’ita’i o le Leipa, Chris Hipkins pe na te lagolagoina le faai’uga a le minisita o Paul Goldsmith lea na ia aveese ai le faatalofa faa-Maoli ma le upu Aotearoa mai se valaaulia aloaia sa tuu atu i le minisita a Ausetalia mo le Matariki, o Goldsmith o le minisita o le Culture and Heritage.

Ua faailoa i le One News o le faatonuga a Goldsmith na faia i lana aufaigaluega ina ia suia le tusi lea ma ta’ua na ia manao e faafaigofie le tusi.

Ina ua fesiligia i le mafuaaga ma pe manatu e ono lē malamalama ai le minisita Ausetalia o Tony Burke, sa ia tali ioe.

Ua saunoa le Palemia i le asō i le Palemene, e faatāua e le Malo le gagana Maoli.

O le tali a le Palemia i le mataupu lea na faalogoina ai le vāvāō o le Palemene ma taofia lē tumau ai e le Fofoga Fetalai le fonotaga mo sina taimi.

Ua sailia e le 1News se finagalo o le minisita Ausetalia na ave iai le valaaulia, e tusa o lea mataupu.

Puna o Faamatalaga: https://www.1news.co.nz/2024/08/07/pays-to-be-incredibly-simple-dealing-with-australians-luxon/