E talitonuina ua ioeina o se ata faataatia mo se taamilosaga fou o le Club World Rugby poo le Ipu o le Lalolagi a Kalapu Lakapi o le a aofia ai ‘au pito i luga e 15 mai le Northern ma le Southern Hemisphere, faaopoopo iai ma se ‘au mai Iapani ma o le a vaevae i pulu e fā. 

O lea tausinioga e pei ona lipotia i le stuff.co.nz o le a ta’i fā tausaga ma faia a o lumanai ai malaga taamilo a le Liona mai Aialani ma Peretania.  

Ua lipotia o le faatulagana o lea taamilosaga ua ioeina uma e stakeholders e aofia ai ma le Premiership Rugby ma sui o tama taaalo. O loo faagasolo nei faatalanoaga faai’u o le mataupu ma faamoemoe e tatau ona faamae’a uma talanoaga nei ma isi mataupu e aofia i le masina o Setema.  

Fai mai o le fuafuaga ina ia amata i le 2025 ia alofia ai se feseeta’iga ma le Ipu o le Lalolagi i le tausaga fou.