Na poloka le alatele i feoa’iga i le taeao analeila ina ua mu se taavale sa i tua o se tow truck poo se loli toso taavale a o i luga o le Southern Motorway i Aukilani.

O le aufaigaluega a le fesoasoani faavavave na o latou ta’ua na mu atu ai ma se togavao i tafatafa ane o le motorway i le vaega na iai le taavale.

Na faailoa i lipoti mai le NZTA sa poloka le laina i le itu agavale i le mae’a o le Exit i Mt Wellington Highway ma sa toe tatala i le mae’a o le itula.

O videos o loo iloa atu ai le taimi na sasao ane ai le afi i le pito i luma o lea taavale ma sa valaau foi le fesoasoani a le fuimu.

E lei iai se tasi na faamanu’alia ai ma ua ta’ua sa faapa’ū ese mai le taavale mai le loli ina ua vaaia le sasao ane o le afi.

O loo faatalia se isi lipoti poo le ā tonu le mafuaaga o le mu o le taavale.

Puna o Faamatalaga: https://www.newstalkzb.co.nz/news/national/car-on-back-of-tow-truck-bursts-into-flames-on-auckland-s-southern-motorway/