Ua folafola e le militeli a Saina o le a o latou faaaogā le ami, navy ma vaegā’au i le ea e faataali’o ia Taiwan mo sa latou faata’ita’iga tele ma ua ‘auga tonu i le tuu atu ai o se fe’au tāua ma le ogaoga faasaga i soo se taumafaiga e una’ia le faatuto’atasi o Taiwan aemaise i isi malosi’aga mai fafo atu o le atunuu o loo faalavelave ane i le atumotu.
Ua faaigoa ia faata’ita’iga o le Justice Mission 2025 ma e faata’ita’i ai pe ua sauni vaegā’au aemaise lava i uafu ma tuaoi ma isi nofoaga.
O loo tetee Taiwan i ia faata’ita’iga ma ua tuua’ia ai Saina i lea gaioiga ae ua faailoa foi e le faigāmalo a Taiwan o le a faatino uma gaioiga talafeagai e sauni ai mo le puipuia o le atunuu aemaise o le faatumauina o tu faatemokalasi ma le sa’olotoga.
Puna o Faamatalaga: https://edition.cnn.com/2025/12/28/china/china-taiwan-military-drills-hnk-intl
