O loo faagasolo nei le su’eina e leoleo o ni tagata se toatolu na o latou osofaia ma faaoolima i se alii e 37 tausaga ua maliu i Sini.
O le faalavelave lea ua lua ai faalavelave faapea ua tulai mai i totonu o ni nai itula.
Fai mai le 9News o le alii e suafa ia Josese McGoon na savali ane i le auala ma se tasi o ana uo ae osofai ai e ni alii se toatolu na malaga atu i se taavale lanu siliva.
Fai mai na aveese atu e le uo a Josese le isi alii ae o le isi toalua na o la faaoolima ia Josese ma i’u ai ina pa’ū ifo i le palapala ma ave atu ai e lana uo i le falemai i Westmead, na faia le taotoga i ona manu’aga ma maliu ai lava.
E manatu leoleo o se osofaiga na taulai sa’o i lē ua maliu ae lē mailoa pe aisea.
O loo sailia pea le toatolu lea ae o le isi faalavelave faapea i le faai’uga lava o le vaiaso na molia ai se tamaitiiti 15 tausaga i lona fasiotia o se alii e 30 tausaga i se pelu.
Ua teena le tatala i tua o lea tamaitiiti ma o loo faaauau foi suesuega.
Puna o Faamatalaga: https://www.9news.com.au/national/guildford-news-man-dies-in-hospital-after-allegedly-being-attacked-by-three-men-in-sydneys-west/656cf549-9677-487f-9e0e-a8b8124142ad
