Ua pu’eina e leoleo se teineitiiti e na o le 13 tausaga le matua i le po anapo i le mae’a ona sasao ane o se afi i se falea’oga i Geelong i Vitoria.

Fai mai le 9News o le talitonuga o leoleo o le afi na sasao ane i le Northern Bay College i le faaitu o Corio i le te’a o le 12 i le vaveao, na pu’e ai e leoleo le talavou lea i lea lava nofoaga.

Ua faalēaogāina vasega i le a’oga lea i le asō ma ua faailoa e le pulea’oga o Scott Diamond, o le a leai nisi e faafoeina le a’oga i le asō.

E telē se vaega o le a’oga ua faaleagaina e aofia ai ma nisi potua’oga ma o le tulaga faanoanoa lea mo le to’atele ina ua agiga e foliga na susunu le nofoaga.

O loo i le vaaiga a leoleo le teine talavou lea 13 tausaga ma o loo faia su’esu’ega i le taimi nei.

Puna o Faamatalaga: https://www.9news.com.au/national/corio-young-girl-13-arrested-after-suspicious-school-fire-in-geelong/27e1732f-3ad2-4d42-b8dd-431f8cf8c8d6