Ua pueina e leoleo alii e to’atolu ona o lo latou aafiaga i le sapalaia o auupega o fana i le itu i Sisifo o Sini.
O se alii e 26 ma le isi e 27 tausaga le matua na pueina e leoleo ina ua faia a latou suesuega i Austral ma le isi faaitu o Whalan i le taeao analeila, ua lē taliaina talosaga e tatala ai i tua.
O le isi e atoa iai le to’atolu e 26 tausaga foi le matua mai Mt Druitt na pueina foi. Fai mai na maua e leoleo se fana o le ituaiga 22 inisi ma isi auupega i le suesuega na faia ma o loo fetaua’ina o latou na pueina o loo galulue faatasi o se syndicate e faatau ai auupega i le itu i Saute i Sisifo ma Sasae o Sini.
