Pe a male 5afe aiga I Sini ua motusia mai le eletise mai o latou fale ile po anapo ina ua aafia le aai I se tulaga maemaea o uiga o le tau, o le storm na aafia ai Sini ma Illawara.
Malolosi matagi ma to faatautau ae na vevela foi isi vaega na oo atu I le tai 40 tikeri I le aso ananafi.
Ole toatele o aiga o loo aafia I le motusia o le eletise e mai le faaitu lea I Hawkesbury faapea foi le Blue Mountains ma Western Sydney. Tele laau toulu ma fale na faaleagaina foi ona o laau ma uaea eletise.
Fautuaina tagata e faamamao ese ma nofoaga o loo faaletonu ai laina eletise, o le aso sa foi sa feololo lava foi nai savili ile maea ai o le vevela e oo atu I le tai 40 tikeri I le aso toonai ma le aso sa.
E ui la ua fai si tele o le suiga o le tau I le aso ua malu toe paolo ae o loo fautuaina pea tagata ia mataala ona ua amata aloaia foi le tau vevela lea foi e faapea o le a toe malosi foi I le faaiuga o le vaiaso.
