Ua tuuina mai nei se lipoti, o faamaumauga a le Matāgaluega o A’oga, ua faaalia ai tulaga o loo iai le numera o fanau e māua na lesitala mo a’oa’oga i lenei tausaga.
Mai faamaumauga a le matāgaluega o a’oga, e 856,412 fanau a’oga na lesitala i le amataga o Iulai, tusa e 5,413 e maualuga atu ai nai lo le aofa’iga i le taimi lava lea i le tausaga talu ai.
Māua i lipoti o le tele o fanau e lesitala e mai a’oga maualuluga ma a’oga o loo a’otauina uma ai fanau o a’oga tulagaluama kolisi maualuluga, poo composite schools.
Ae a faatusatusa atu i a’oga tulagalua poo primary schools i totonu o le atunuu, ua molimauina ai le pa’ū maualalo o lea numera, e faaalia 3,835 fanau a’oga ua lē toe vaaia pe ua lesitala foi e pei ona faamauina le na o le 466,682 ua lesitala i lenei tausaga pe a faatusa atu i le 470,000 ma ona tupu sa iai.
Māua i faamaumauga, e salasala lava tulaga o le alualu i luga o ia numera ma le faaitiitia ai i le tele o faaitu o Niu Sila, e pei ona faamauina o Aukilani ma Canterbury o loo maitauina le alualu i luga o ia numera mai a’oga tulagalua, ae molimauina le tuuitiitia o fanau e lesitala i faaitu o Northland, Taranaki, ma Ueligitone.
Ta’ua o le aotelega o le siitia o numera o fanau a’oga e lesitala i a’oga tulagalua e fai sina maualalo o numera o le tausaga nei pe a faatusatusa atu i le tausaga e 2023 ma le tausaga e 2024.
Faaalia o ia numera e afua mai i le maualuga o numera o tagata e malaga mai i totonu o Niu Sila, e pei ona maua ai le 15,887 aga’i le 19,961 o fanau a’oga.
Puna o Faamatalaga: https://www.rnz.co.nz/news/national/579769/primary-school-enrolments-drop-as-national-roll-growth-slows
