Ua pasia e le Kapeneta le tuuina atu o Tulafono e tolu, na tele ai le vāvāō o le atunuu i lona faauigaga e toe silasila ma faia iai ni suiga talafeagai i le ofisa o le Loia Sili ma le Matagaluega o Faamasinoga.
O tulafono e tolu e aofia ai le tulafono…..
1. O le toe teuteuina o le faavae.
2. Tulafono o Fanua ma Suafa 2020.
3. Tulafono o Faamasinoga 2020.
Na ta’ua e le Ofisa Sili o Pulega o le Matagaluega o Faamasinoga ia Papalii John Taimalelagi Afele, e faapea o loo silasila le Loia Sili i suiga talafeagai mo tulafono e tolu.
O ia suiga o le a toe aofia ai ma faatalanoaga ma le mamalu o le atunuu.
Na ta’ua e Papalii e iai lona talitonuga o le tausaga fou o le a faatalanoa ai ia suiga i le Palemene.
Ua faailoa o le toe iloiloga o tulafono e tolu o le silasila a le Malo ia faamausali le taootoga o tulafono o le Faamasinoga a Samoa.
Aemaise ai o tulafono nei sa vāvāō ai le atunuu ona ua fai ma avega i nisi aiga ma nuu ma ua lē maua ai se toafilemu.
