Ua valaau nei se tasi o tagata faitulafono a le Atu Malasala i le ‘aufaitulafono a le Pasefika ina ia fesoasoani i le matāupu e faatatau i le faata’ita’iina o meatau niukilia i le itulagi.
Fai mai le faipule o David Anitok i le lipoti a le RNZ ua aafia o tatou tagata i le tele o le mau aafiaga mai ia faata’ita’iga e pei o le kanesa, aafiaga tau le si’osi’omaga ma isi.
Fai mai Anitok e tatau lava ona faatuto’atasi totino e pei o le komisi o aiā tatau.
E ao ona tutūfaatasi ma galulue i le fausia o se sootaga e finau atu i ē puipui o tatou tagata, fanua ma vasa aemaise o aganuu ma tupu’aga ma tupulaga i le lumana’i.
Fai mai nisi o loo lagolago i le finau a le alii faipule, ua tatau ona lava lea tulaga o le faata’ita’i o meatau niukilia i le Pasefika.
O le finau ua valaau ai mo le faatūina o se komisi o aiā tatau e finauina le mau lea e faatatau i meatau niukilia ma lona faata’ita’iina i le Pasefika.
Puna o Faamatalaga: https://www.rnz.co.nz/international/pacific-news/577140/pacific-lawmakers-call-for-creation-of-human-rights-commissions-to-fight-nuclear-testing-legacy
