Ua lipotia e le RNZ le lē fiafia o ta’ita’i o le Pasefika ina ua lē manuia le tauofo a Ausetalia e talimalo i le isi fonotaga tele a Malo Aufaatasi i le 2026, le COP31 e pei ona iloa ai.
O le Peresetene o Palau, Surangel Whipps Jr na ia faailoa lona lē fiafia tele i le tulaga lea aemaise sa fai lava campaign a Ausetalia e fia talimalo i lea fonotaga.
Ta’ua e le RNZ o le lipoti fou na faailoa ane e le minisita o le tau a Ausetalia, Chris Bowen ina ia avea o ia e fai ma Peresetene o le COP ma feutana’iga o loo faia aemaise ina ia talimalo le Pasefika i se fonotaga a o lumana’i ai le fonotele lea ae faatino pea le fono autū i Turkey poo Take.
O le finau la a Whipps Jr e tāua le faia o se fonotaga lea e faamamafa ai tulaga ogaoga o le tau ma aafiaga i le Pasefika.
E ui i lea e lē o le i’uga lea na iai le palota mo le atunuu e talimalo i le isi fonotaga.
E moni sa iai le lagolago mo Ausetalia ma le Pasefika e fesoasoani i le taligamalo peita’i o Turkey lea ua siilima iai le to’atele e talimalo i lenei fonotaga tele le COP31.
Puna o Faamatalaga: https://www.rnz.co.nz/international/pacific-news/579573/pacific-climate-leaders-deeply-disappointed-as-australia-loses-bit-to-host-cop31
